రాష్ట్ర కేబినెట్‌లో ఉన్నది ఉద్యమ ద్రోహులు.. గాదె ఇన్నారెడ్డి

దిశ, తెలంగాణ బ్యూరో : తెలంగాణ రాష్ట్ర కేబినెట్‌లో ఉన్నది ఉద్యమ ద్రోహులని, వారు పార్టీ కండువా వేసుకునేందుకు కూడా అనర్హులని టీఆర్ఎస్​ వ్యవస్థాపక సభ్యుడు గాదె ఇన్నారెడ్డి విమర్శించారు. టీఆర్‌ఎస్​ఆవిర్భావ దినోత్సవం సందర్భంగా ఈరోజు ఆయన మాట్లాడుతూ.. ప్రస్తుతం టీఆర్ఎస్‌లో ఉన్నా మంత్రులు, ఎమ్మెల్యేలు కేసీఆర్​మెప్పు కోసం కొంగ జపం చేస్తున్నారని, వారికి తెలంగాణ ఉద్యమ చరిత్ర తెలియదని వివరించారు. తెలంగాణ రాష్ట్రం ఏర్పడ్డాక ఏ ఒక్క తెలంగాణ ఉద్యమకారుడు కూడా బాగుపడలేదనీ, స్వరాష్ట్ర ఫలాలు ఆంధ్ర ప్రాంత పెట్టుబడిదారులకే దక్కుతున్నాయంటూ ఆవేదన వ్యక్తం చేశారు.

2001 జల దృశ్యం ఫోటోలో ఉన్నవారికే టీఆర్ఎస్ పార్టీ మీద హక్కు ఉందని, వారే ఆ పార్టీ కండువా వేసుకోవడానికి నిజమైన అర్హులని అందులో స్పష్టం చేశారు. యువత, నిరుద్యోగులు ఎవరు కూడా నిరుత్సాహానికి గురై ఆత్మహత్యలు చేసుకోవద్దని విజ్ఞప్తి చేశారు. త్వరలోనే అందరు కోరుకున్నా బతుకు తెలంగాణ వస్తుందని ఆశాభావం వ్యక్తం చేశారు.