థమన్ ఫ్యాన్ బాయ్ మూమెంట్

దిశ, వెబ్‌డెస్క్: టాలీవుడ్ పవర్ స్టార్ పవన్ కళ్యాణ్‌కు ఇండస్ట్రీలోనే చాలామంది అభిమానులున్నారు. ముఖ్యంగా నితిన్‌కు పవన్ అంటే ఎంత అభిమానమో చాలా సందర్భాల్లో చెప్పాడు. పవన్ సినిమాల్లో సాంగ్స్‌ను కూడా తన సినిమాలో రీమేక్ చేశాడు. ఇప్పుడు ఇదే ఫ్యాన్ బాయ్ మూమెంట్ మ్యూజిక్ డైరెక్టర్ ఎస్.ఎస్.థమన్‌కు దక్కింది.

ప్రస్తుతం తెలుగులో మోస్ట్ వాంటెడ్ మ్యూజిక్ డైరెక్టర్‌గా ఉన్న థమన్… పవన్ రీ ఎంట్రీ సినిమా ‘లాయర్ సాబ్‌’ కు కూడా స్వరాలు సమకూరుస్తున్నాడు. ఈ క్రమంలోనే పవన్‌ను కలిసిన థమన్ .. నేను కలలుకనే రోజు వచ్చేసింది. నేను ఏ హీరోతో అయితే కలిసి పనిచేయాలనుకున్నానో, సంగీతం అందించాలనుకున్నానో అతన్ని కలిశాను అని సోషల్ మీడియాలో తన మోమెంట్‌ను షేర్ చేసుకున్నాడు. నేను కంపోజ్ చేసిన సాంగ్స్‌ నా అభిమాన హీరోకు వినిపించానని, ఆయన మీదున్న ప్రేమ, మర్యాద వల్లనో ఏమో చాలా ఒత్తిడికి లోనయ్యానని తెలిపాడు థమన్. త్వరలోనే ఫస్ట్ సింగిల్‌తో మీ ముందుకు వస్తామని ప్రకటించాడు.

Read also..

భర్త గురించి స్నేహ ఎమోషనల్ పోస్ట్

Full View