ఏపి, తెలంగాణకు నితిన్ రూ.10 లక్షల విరాళం

కరోనా వైరస్ రోజురోజుకు తీవ్రత చూపిస్తోంది. దీన్ని నివారించేందుకు కేంద్ర, రాష్ట్ర ప్రభుత్వాలు లాక్ డౌన్ ప్రకటించాయి. కోట్లకు కోట్లు ఖర్చు చేస్తూ నివారణ చర్యలు చేపట్టాయి. పేదలకు ఇంటికే సరుకులు అందేలా చర్యలు తీసుకుంటూ…వారి ఆకలిని కూడా తీరుస్తున్నాయి. ప్రభుత్వానికి సపోర్ట్ చేస్తూ ప్రముఖులు కూడా తమవంతు సాయం చేస్తున్నారు.

Covid19 మహమ్మారిని అరికట్టేందుకు ప్రభుత్వం తీసుకుంటున్న చర్యలను పాటించాలని కోరాడు హీరో నితిన్. కరోనా వైరస్ కు వ్యతిరేకంగా పోరాడేందుకు తన వంతు సాయం అందించాడు. తెలంగాణ, ఏపి సీఎం రిలీఫ్ ఫండ్ కు రూ. 10 లక్షల చొప్పున విరాళం అందిస్తున్నట్లు ప్రకటించాడు.

హీరో మంచు మనోజ్ నిరాశ్రయులకు, ఆకలితో ఉన్న వారికి అన్నం పెట్టేందుకు ముందుకు వచ్చాడు. మన చుట్టుపక్కల ఎవరైనా అలాంటి వారు ఉంటే సమాచారం ఇస్తే…వారికి తగిన సహాయం అందిస్తామని తెలిపారు మనోజ్. మీ ఏరియాలో ఉండే ఇళ్లు లేని వారికి సహాయం అందించాలని పిలుపునిచ్చాడు. ఇతరులకు సహాయం చేయడం వల్ల మనం ఎదుగుతామనే విషయాన్ని గుర్తుపెట్టుకోవాలి అని సూచించారు. ఇలాంటి ఆపద సమయాల్లో ప్రతి ఒక్కరూ సహాయాన్ని అందించేందుకు ముందుకు రావాలని కోరాడు మనోజ్.

Tags: Nithin, Manoj Manchu, Covid19, CoronaVirus