అంటే.. వెన‌క నుండి గుద్ద‌కుండానే ప‌డ్డానా.. అమ్మాయి ఫైర్‌..! (వీడియో)

దిశ‌, వెబ్‌డెస్క్ః యాక్సిడెంట్ అంటేనే అనుకోకుండా జ‌రిగేది. కార‌ణాలు ఏవైనా అక‌స్మాత్తుగా సంభ‌విస్తుంది. త‌ప్పు ఎవ‌రిదైనా కావ‌చ్చు జాగ్ర‌త్త‌గా ఉండాల‌ని సంభోదిస్తుంది. ఇక‌, ప్ర‌స్తుత‌ వీడియో ఫుటేజీలో ఒక ప్ర‌మాదం జ‌ర‌గ్గా, దానికి కార‌ణం వెనుకున్న‌వారే అనుకొని, ఓ మ‌హిళ‌ సీరియ‌స్ అవుతుంది. ప్రస్తుతం సోషల్ మీడియాలో ఈ వీడియో వైరల్‌గా మారింది. ఇందులో మహిళతో పాటు స్కూట‌ర్ న‌డుపుతున్న మ‌రో వ్య‌క్తి రోడ్డుపై వెళ్తూ ఎవ్వ‌రూ గుద్ద‌కుండానే స్కూటర్ నుండి రోడ్డుపైన‌ పడిపోతారు. అయితే, వెనుక ఉన్న వ్యక్తి నిర్లక్ష్యంగా నడపడం వల్లే ఈ ప్రమాదం జరిగిందని వాళ్లు అనుకుంటారు. కానీ, నువ్వు గుద్ద కుండానే మేము ప‌డిపోతామా అని ఆ యువ‌తి వాదిస్తుంది. తీరా ఆ వీడియో చూస్తే అది అతని తప్పు కాదని అర్థ‌మ‌వుతుంది. మొత్తం ఎపిసోడ్ అతని బాడీక్యామ్‌లో రికార్డ్ కాబ‌ట్టి అత‌డు మ‌రో ప్ర‌మాదం నుండి బ‌య‌ట‌ప‌డ‌తాడు. ఈ ఫుటేజీని ట్విట్టర్‌లో పంచుకోగా, దీనికి 1 మిలియన్ కంటే ఎక్కువ వ్యూవ్స్ వ‌చ్చాయి. వీడియో చూసిన నెటిజ‌నులు 'ఈ కాలంలో ఇంతే..' అంటూ కామెంట్లు చేస్తున్నారు.