ఖర్కీవ్‌లో రష్యా దాడి, ఆరుగురి మృతి

కీవ్: ఉక్రెయిన్‌లో యుద్ధం ప్రారంభమై నెల రోజులు గడుస్తున్నా రష్యా తన దాడులను మాత్రం ఆపడం లేదు. తాజాగా రష్యన్ సైనికుల దాడుల్లో ఖర్కీవ్ నగరంలో ఆరుగురు పౌరులు మరణించారు. ఈ విషయాన్ని గురువారం ప్రాంతీయ గవర్నర్ తెలిపారు. 10 మందికి పైగా ఈ దాడుల్లో గాయపడినట్లు వెల్లడించారు. 'రష్యన్లు సుధీర్ఘ ఆయుధాలను ఖర్కీవ్ సమీపంలోని నోవా పోస్తా కార్యాలయంపై ప్రయోగించారు. అవి స్థానిక నివాసాలపై పడ్డాయి. ప్రాథమిక సమాచారం ప్రకారం ఆరుగురు పౌరులు చనిపోయారు. మరో 15 మంది గాయాలతో ఆస్పత్రిలో చేరారు' అని తెలిపారు.