'24' మూవీ సీక్వెల్ కన్ఫర్మ్.. కానీ సూర్య మాత్రం..

దిశ, సినిమా: 'ఇష్క్, మనం, 24, గ్యాంగ్ లీడర్' లాంటి సినిమాలతో మెప్పించిన డైరెక్టర్ విక్రమ్ కె కుమార్ ప్రస్తుతం నాగచైతన్య హీరోగా 'థాంక్యూ' మూవీతో రాబోతున్నాడు. జూలై 22న విడుదల కానున్న సినిమా ప్రమోషన్స్ భారీగానే జరుగుతున్నాయి. ఈ క్రమంలో ఇచ్చిన ఓ ఇంటర్వ్యూలో ఆసక్తికరమైన విషయాలు పంచుకున్నాడు డైరెక్టర్.

సూపర్ స్టార్ సూర్య మూడు విభిన్న పాత్రల్లో కనిపించి మెప్పించిన '24' సీక్వెల్ ప్లాన్ చేస్తున్నట్లు ప్రకటించాడు. హీరో మణికందన్, విలన్ ఆత్రేయ, సైంటిస్ట్ సేతురామన్‌గా సూర్య నటించిన సినిమా సీక్వెల్ ఎక్కువ భాగం విలన్‌తోనే ముడిపడి ఉంటుందని తెలిపాడు. ఇప్పటికే సూర్య కమిట్ అయిన ప్రాజెక్ట్‌లు పూర్తి కాగానే ఈ సీక్వెల్ షూటింగ్ ఉంటుందని తెలుస్తోంది.