'రైఫిల్' సినిమా రిలీజ్ చేసిన కరీంనగర్ అదనపు కలెక్టర్..

దిశ, సినిమా : శ్రీ వివన్ క్రియేషన్స్ బ్యానర్‌పై సీనియర్ జర్నలిస్ట్ అయిలు రమేశ్ దర్శకత్వంలో తెరకెక్కిన చిత్రం 'రైఫిల్'. అశిర్ చెల్క నిర్మించిన ఈ చిత్రాన్ని కరీంనగర్ జిల్లా అదనపు కలెక్టర్ గాజుల శ్యామ్ ప్రసాద్ లాల్ గురువారం రిలీజ్ చేశారు. ఈ సందర్భంగా మాట్లాడిన ఆయన.. కరీంనగర్ కళలకు పుట్టినిల్లు అని, ఇక్కడి 50 మంది కళాకారులు, టెక్నీషియన్‌లకు అవకాశం ఇచ్చిన మేకర్స్‌ను అభినందించారు. అందమైన లొకేషన్స్ కలిగిన కరీంనగర్ సినిమా షూటింగ్‌ల అడ్డాగా మారడం సంతోషంగా ఉందని.. 29 షార్ట్ ఫిల్మ్ లు, ఇండిపెండెంట్ చిత్రాలకు దర్శకత్వం వహించిన అయిలు రమేశ్ దర్శకత్వంలో మెయిన్ స్ట్రీమ్ ఫిల్మ్ రావాలని ఆశిస్తున్నట్లు తెలిపారు.

కాగా ఈ కార్యక్రమంలో రచయిత, దర్శకులు అయిలు రమేశ్, కలర్ సత్తెన్న, సీనియర్ నటులు ఉదయ్ కుమార్, గణేష్ నడిమెట్ల, కడార్ల శివ, చొప్పరి సుధాకర్, శీలం శ్రీనివాస్, పసుల రవికుమార్, లోకిని కుమార్, ఎడిటర్ టి. శ్రీనివాస్ రావ్, బైరగోని భాస్కర్, కీసర వెంకట స్వామి తదితరులు పాల్గొన్నారు.