యువతిపై అత్యాచారయత్నం.. హిజ్రాలకు ప్రశంసలు

దిశ, వెబ్‌డెస్క్: దేశంలో రోజూ ఎన్నో అత్యాచారాలు జరుగుతున్నాయి. ఈ మధ్య కాలంలో అత్యాచార ఘటనలు మరీ ఎక్కువయ్యాయి. ఎన్ని కఠిన చట్టాలు తీసుకొచ్చినా నిందితుల్లో మార్పు రావడం లేదు. ఒంటరిగా ఉంటే చాలు రాక్షసుల్లా ప్రవర్తిస్తున్నారు. తాజాగా.. ఇలాంటి ఘటనే బెంగళూరులో చోటుచేసుకుంది.

వివరాల్లోకి వెళితే.. బెంగళూరులోని వివేక్ నగర్‌లో మిజోరాంకు చెందిన ఓ యువతి నర్సింగ్ కోర్సు చేస్తోంది. అదే ప్రాంతంలో పశ్చిమ బెంగాల్‌కు చెందిన మసురుల్ షేక్ అనే వ్యక్తి నివాసం ఉంటున్నాడు. ఈ క్రమంలో మసురుల్ ఆ యువతిపై కన్నేశాడు. అక్కడే ఓ హోటల్‌లో పనిచేస్తూ.. యువతి నివసిస్తోన్న ఇంటికొచ్చి ఇబ్బంది పెట్టేవాడు. ఒకరోజు తెల్లవారుజామున కూడా అదే మాదిరిగా ఇంటికొచ్చి కాలింగ్ బెల్ నొక్కాడు. దాంతో ఆమె డోర్ తీయగానే లోపలికి చొరబడి.. యువతిపై అత్యాచార యత్నం చేశాడు. ఆమె భయంతో కేకలు వేయడంతో ఆ కేకలు విని అక్కడ దగ్గరలో ఉన్న ఇద్దరు హిజ్రాలు వచ్చి ఆమెను రక్షించారు. అనంతరం మసురుల్‌కు దేహశుద్ధి చేసి పోలీసులకు అప్పగించారు.