Telangana BJP : కాంగ్రెస్ విజయోత్సవాలకు బీజేపీ కౌంటర్ ప్లాన్ రెడీ

దిశ, వెబ్ డెస్క్ : తెలంగాణలో కాంగ్రెస్ ప్రభుత్వం ఏర్పాటయ్యి ఏడాది పూర్తవుతున్న సందర్భంగా ప్రజాపాలన దినోత్సవాలను జరుపుతున్న విషయం తెలిసిందే. కాగా కాంగ్రెస్ విజయోత్సవాలపై తెలంగాణ బీజేపీ(Telangana BJP) కౌంటర్ ప్లాన్ సిద్ధం చేసింది. కాంగ్రెస్ ఎన్నికల హామీలైన 6 గ్యారంటీలు అమలు చేయకపోవడంపై "6 అబద్దాలు - 66 మోసాలు" పేరుతో బీజేపీ నిరసనలకు సిద్ధమైంది. ఈనెల 30 నుంచి డిసెంబర్ 5 వరకు ఈ నిరసన కార్యక్రమాలను నిర్వహించనుంది. ఈనెల 30న కాంగ్రెస్ వైఫ్యల్యాలపై బీజేపీ ఛార్జిషీట్ విడుదల చేయనుండగా, డిసెంబర్ 1న జిల్లా స్థాయిలో బీజేపీ ఛార్జిషీట్, డిసెంబర్ 2, 3న నియోజకవర్గాల్లో బైక్ ర్యాలీలు జరపనున్నారు. నిరసన రోజుల్లో ప్రతిరోజు, ప్రతి నియోజకవర్గంలో 2 వేల మందితో బీజేపీ సభలు నిర్వహించనుంది.