Jai Hanuman: మీ అంకితభావమే ఈ పాత్రకు జీవం పోసింది.. కన్నడ స్టార్‌పై ప్రశాంత్ వర్మ ప్రశంసలు

దిశ, సినిమా: యంగ్ హీరో తేజ సజ్జా (Teja Sajja), డైరెక్టర్ ప్రశాంత్ వర్మ (Prashanth Verma) కాంబోలో వచ్చిన ‘హనుమాన్’ (Hanuman) చిత్రం ఎంతటి విజయాన్ని అందుకుందో తెలిసిందే. ఈ ఏడాది సంక్రాంతికి ప్రేక్షకుల ముందుకు వచ్చిన ఈ మూవీ.. బాక్సాఫీస్ (box office) వద్ద భారీ వసూళ్లు రాబట్టి సంచలనం సృష్టించింది. ఈ క్రమంలోనే ఇప్పుడు ఈ సినిమాకు సీక్వెల్‌గా ‘జై హనుమాన్’ (Jai Hanuman) వస్తున్న సంగతి తెలిసిందే. ‘హనుమాన్’ చిత్రం భారీ హిట్ అందుకోవడంతో.. ‘జై హనుమాన్’పై ప్రేక్షకుల్లో భారీ అంచనాలు ఉన్నాయి. అంతే కాకుండా ఇందులో నుంచి వచ్చే అప్‌డేట్స్ (Updates) కూడా సినిమాపై హై లెవల్ ఎక్స్‌పెక్టేషన్స్ (expectations) పెంచేస్తున్నాయి. ఇందులో భాగంగా.. తాజాగా ఈ సినిమాలో హనుమంతుడిగా కన్నడ స్టార్ (Kannada Star) రిషబ్ శెట్టి (Rishabh Shetty) నటిస్తున్నట్లు అఫీషియల్ అనౌన్స్‌మెంట్ (Official Announcement) ఇచ్చారు చిత్ర బృందం. దీపావళి కానుకగా వచ్చిన రిషబ్ శెట్టి ఫస్ట్‌లుక్ (First Look) పోస్టర్‌కు సోషల్ మీడియాలో విశేష స్పందన లభించింది. ఈ నేపథ్యంలో రిషబ్ శెట్టికి థాంక్యూ (thank you) చెప్తూ.. మరో పోస్ట్ పెట్టాడు డైరెక్టర్ ప్రశాంత్ వర్మ.

‘#JaiHanumanFirstLook కోసం అద్భుతమైన ప్రేమ, EPIC ప్రతిస్పందనలతో చాలా సంతోషంగా ఉంది. జాతీయ అవార్డు (National Award) గెలుచుకున్న నటుడు @rishabshettyofficial సార్‌కు హృదయపూర్వక ధన్యవాదాలు. హనుమాన్ జీ పట్ల మీకు ఉన్న భక్తి, అసమానమైన అంకితభావం ఈ పాత్రకు నిజంగా జీవం పోశాయి. రిషబ్ శెట్టికి ఉన్న అద్భుతమైన పరివర్తన, ఖచ్చితమైన పరిపూర్ణత, తిరుగులేని నిబద్ధత ‘జై హనుమాన్’ ని అసాధారణమైనదిగా మార్చాయి. కర్నాటక (Karnataka) నుండి ప్రపంచవ్యాప్తంగా తన అభిమానులకు మరపురాని అనుభూతిని అందించడానికి ఆయన అన్ని ప్రయత్నాలు చేస్తున్నారు. ఈ జై హనుమాన్ ప్రయాణాన్ని మీతో ప్రారంభించినందుకు మీకు ఎల్లప్పుడూ కృతజ్ఞతలు. అలాగే మీతో వర్క్ చేసేందుకు చాలా ఉత్సాహంగా ఉన్నాను, సర్! జై హనుమాన్.. జై జై హనుమాన్’ అంటూ రిషబ్ శెట్టితో ఉన్న పిక్‌ను షేర్ చేశారు ప్రశాంత్ వర్మ.