Prabhas: డార్లింగ్ ఫ్యాన్‌కు దీపావళి కానుక.. ‘స్పిరిట్’ మ్యూజిక్ స్టార్ట్

దిశ, సినిమా: పాన్ ఇండియా స్టార్ ప్రభాస్ (Prabhas) నటిస్తున్న వరుస ప్రాజెక్టులలో ‘స్పిరిట్’ (spirit) ఒకటి. సందీప్ రెడ్డి వంగా (Sandeep Reddy Vanga) తెరకెక్కిస్తున్న ఈ సినిమాపై ఫ్యాన్స్‌తో పాటు ప్రేక్షకుల్లో కూడా భారీ అంచనాలు ఉన్నాయి. టి-సిరీస్, భద్రకాళి పిక్చర్స్ సంయుక్తంగా హై బడ్జెట్‌తో నిర్మిస్తున్న ఈ సినిమా షూటింగ్ వచ్చే ఏడాది స్టార్ట్ కానుందన్న విషయం తెలిసిందే. కానీ.. అనుకున్న దాని కంటే ముందే ఈ మూవీ పనులు స్టార్ట్ చేసినట్లు తెలుస్తోంది.

‘స్పిరిట్’ చిత్రానికి హర్షవర్ధన్ రామేశ్వర్ (Harshavardhan Rameshwar) సంగీతం అందిస్తుండగా.. దీపావళి (Diwali) స్పెషల్‌గా ‘స్పిరిట్’ సినిమా మ్యూజిక్ (music) వర్క్స్ స్టార్ట్ చేశారు. అందుకు సంబంధించిన ఓ చిన్న క్లిప్‌ను రిలీజ్ చేయ్యగా.. అది క్షణాల్లో వైరల్‌గా మారింది. కాగా.. ప్రజెంట్ (present) ‘స్పిరిట్’కు సంబంధించిన ప్రీ ప్రొడక్షన్ వర్క్ శరవేగంగా జరుగుతుండగా.. సినిమా షూటింగ్ వచ్చే ఏడాది మొదలు పెట్టనున్నాడు డైరెక్టర్ సందీప్.