పీజీ వైద్య విద్య ప్రవేశాలకు నోటిఫికేషన్ జారీ.. అదే చివరి తేదీ!

దిశ ప్రతినిధి, వ‌రంగ‌ల్: నీట్ పీజీ కటాఫ్‌ స్కోర్‌ తగ్గిన నేపథ్యంలో యాజమాన్య కోటాలో దరఖాస్తుకు కాళోజీ ఆరోగ్య విశ్వవిద్యాలయం నోటిఫికేషన్‌ను విడుదల చేసింది. కేంద్ర ఆరోగ్య మంత్రిత్వశాఖ నీట్ కటాఫ్ స్కోర్‌ను 15 పర్సెంటైల్‌ తగ్గించిన విషయం తెలిసిందే. ఈ మేరకు అర్హులైన అభ్యర్థులు దరఖాస్తు చేసుకునేందుకు యూనివర్సిటీ నేడు నోటిఫికేషన్ జారీ చేసింది. అభ్యర్థులు ఈ నెల 17 ఉదయం 6 గంటల నుంచి 19వ తేదీ మధ్యాహ్నం 2 గంటల వరకు దరఖాస్తు చేసుకోవచ్చని తెలిపారు. ఆన్‌లైన్‌లో దరఖాస్తుతో పాటు సంబంధిత ధృవీకరణ పత్రాలను అప్‌లోడ్‌ చేయాలని సూచించారు. ధ్రువపత్రాల పరిశీలన అనంతరం తుది మెరిట్‌ జాబితాను విడుదల చేస్తామని పేర్కొన్నారు. అర్హత, ఇతర వివరాలకు www.knruhs.telangana.gov.in వెబ్‌సైట్‌ను చూడాలని ఒక ప్రకటనలో తెలిపారు.