Nikhil Siddharth: ఎన్నో సవాళ్లు ఎదుర్కొన్నాము.. జాతీయ అవార్డు వరించడంపై నిఖిల్ ఎమోషనల్ కామెంట్స్

దిశ, సినిమా: 70వ జాతీయ చలనచిత్ర అవార్డు (National Film Award)వేడుక ఢిల్లీ(Delhi)లో ఘనంగా జరిగిన విషయం తెలిసిందే. ఇందులో 2022కు గాను ఉత్తమ తెలుగు చిత్రంగా ‘కార్తికేయ-2’ (Karthikeya-2)జాతీయ అవార్డు గెలిచింది. ఈ అవార్డును రాష్ట్రపతి ద్రౌపది ముర్ము (President Droupadi Murmu)చేతుల మీదుగా అందించగా.. ‘కార్తికేయ-2’ నిర్మాత అభిషేక్ అగర్వాల్(Producer Abhishek Agarwal) స్వీకరించారు. దీనిపై ఈ సినిమాలో హీరో నిఖిల్ సిద్ధార్థ (Nikhil Siddhartha)ఆనందం వ్యక్తం చేస్తూ ఎమోషనల్ కామెంట్స్ చేశారు.

‘‘కార్తికేయ-2’ చిత్రం యూనిట్ పడిన కష్టానికి ఓ మధురమైన బహుమతి ఇది. ఈ స్క్రిప్ట్‌పై మొదటి రోజు నుంచే మాకున్న నమ్మకం, జాతీయ అవార్డు రూపంలో ఫలితం దక్కింది. చలి, వేడి, వర్షం, బురద ఇలా ప్రతి వాతావరణ పరిస్థితిలో ఈ సినిమా కోసం ఎంతో కష్టపడ్డాము. ప్రతి రోజు మాకు ఓ సవాల్‌లా ఉండేది. అన్నిటికంటే కష్టమైన సవాల్.. పరిమిత బడ్జెట్‌లో క్వాలిటీగా సినిమా తీయడం. ఇలా ప్రతి సవాల్‌ను అధిగమించి, ఇప్పుడు జాతీయ అవార్డ్ స్థాయికి రావడం చాలా ఆనందంగా ఉంది. ఈ రోజును నా జీవితంలో ఎప్పటికి మర్చిపోలేను’ అంటూ చెప్పుకొచ్చింది.