Tamannaah Bhatia: ఇట్స్ అఫీషియల్.. డైరెక్ట్ ఓటీటీలోకి వచ్చేస్తున్న తమన్నా సినిమా.. స్ట్రీమింగ్ ఎందులోనంటే?

దిశ, సినిమా: స్టార్ హీరోయిన్ తమన్నా భాటియా(Tamannaah Bhatia) వరుస సినిమాలు, వెబ్‌సిరీస్‌(Webseries)లు చేస్తూ ప్రేక్షకులను అలరించడంతో పాటు హిట్ తన ఖాతాలో వేసుకుంటుంది. అంతేకాకుండా పలు చిత్రాల్లో స్పెషల్ సాంగ్స్‌(Special Songs)లోనూ ఆడిపాడి సినీ ప్రియులను మంత్రముగ్దులను చేస్తుంది. ఇటీవల ‘స్త్రీ-2’(Stree 2) మూవీలో ఐటమ్ సాంగ్ చేసి అందరినీ ఆశ్చర్యానికి గురి చేసింది. ప్రజెంట్ తమన్నా ఓ ఓటీటీ సినిమా ‘సికిందర్ కా ముక్దార్’(Sikandar ka Muqaddar)తో ప్రేక్షకుల ముందుకు రాబోతుంది.

అయితే దీనిని నీరజ్ పాండే తెరకెక్కించగా.. జిమ్మీ షెర్గిల్, అవినాష్ తివారి(Avinash Tiwari) కీలక పాత్రలో కనిపించనున్నారు. నవంబర్ 29 నుంచి ఈ మూవీని ప్రేక్షకుల ముందుకు తీసుకురాబోతున్నట్లు నెట్‌ఫ్లిక్స్(Netflix) ‘X’ ద్వారా అధికారిక ప్రకటనను విడుదల చేసింది. అంతేకాకుండా ‘‘ఆరోపణలు ఎదుర్కొంటున్న ముగ్గురిలో దోషి ఎవరు?’’ అనే క్యాప్షన్ జత చేసి ‘సికిందర్ కా ముక్దార్’ సినిమాపై క్యూరియాసిటీని పెంచారు.