HYD వాసులకు అలర్ట్.. ఏ క్షణమైనా భారీ వర్షం కురిసే అవకాశం

దిశ, వెబ్‌డెస్క్: హైదరాబాద్ నగర వాసులను వాతావరణ శాఖ అధికారులు అప్రమత్తం చేశారు. నగరం మొత్తం చల్లబడటంతో మ‌రో గంట‌లో హైద‌రాబాద్‌లో భారీ వ‌ర్షం కురిసే అవ‌కాశం ఉంద‌ని అధికారులు హెచ్చరించారు. దీంతో జీహెచ్ఎంసీ, డీఆర్ఎఫ్ బృందాలు అప్రమ‌త్తమ‌య్యాయి. లోత‌ట్టు ప్రాంతాల్లో నీరు నిల్వకుండా ఉండేందుకు చ‌ర్యలు తీసుకోవాల‌ని సిబ్బందికి ఉన్నతాధికారులు ఆదేశాలు జారీ చేశారు. శుక్రవారం మ‌ధ్యాహ్నం నుంచి ఎండ లేన‌ప్పటికీ.. ఉక్కపోత‌తో ప్రజ‌లు స‌త‌మ‌త‌మ‌వుతున్న సంగతి తెలిసిందే. దీంతో హైద‌రాబాద్‌లో ప‌లు ప్రాంతాల్లో వ‌ర్షాలు కురిసే అవ‌కాశం ఉంద‌ని వాతావ‌ర‌ణ శాఖ హెచ్చరించింది.