Kantara : 'కాంతార' కోసం రంగంలోకి హాలీవుడ్ టెక్నీషియన్‌
ఈ మూవీకి ప్రీక్వెల్ గా 'కాంతార-1' (Kantara - 1) వస్తుంది
దిశ, వెబ్ డెస్క్ : రిషబ్ శెట్టి ( Rishab Shetty) హీరోగా తెరకెక్కిన 'కాంతార' (Kantara) మూవీ ఎంత పెద్ద హిట్ అయిందో మనందరికీ తెలిసిందే. వరల్డ్ వైడ్ గా ఈ మూవీ ఎన్నో రికార్డ్స్ ను బ్రేక్ చేసింది. ఎలాంటి అంచనాలు లేకుండా ఆడియెన్స్ ముందుకొచ్చిన ఈ మూవీ రిలీజ్ అయినా అన్ని భాషల్లో భారీ విజయం అందుకుంది. ఇటీవలే ఈ సినిమాకి 2 నేషనల్ అవార్డ్స్ కూడా వచ్చాయి. బెస్ట్ యాక్టర్ గా రిషబ్ శెట్టి ఫస్ట్ టైం నేషనల్ అవార్డు అందుకున్నాడు.
కాగా, ఈ మూవీకి ప్రీక్వెల్ గా 'కాంతార-1' (Kantara - 1) వస్తుంది. ప్రస్తుతం, షూటింగ్ జరుపుకుంటున్న ఈ మూవీకి సంబంధించి ఓ వార్త నెట్టింట హల్చల్ చేస్తుంది. ఈ మూవీలోని ఫైట్స్ కోసం హాలీవుడ్ కి చెందిన టోడర్ లాజరోవ్ ని (Todor Lazarov) తీసుకొచ్చారు. ఇతనితో రెండు యాక్షన్ సీన్స్ ని చిత్రీకరిస్తున్నట్లు తెలిసిన సమాచారం. రిషబ్ శెట్టి, ఆయనతో దిగిన ఫొటోను సోషల్ మీడియాలో షేర్ చేశాడు.
ఎస్. ఎస్ రాజమౌళి దర్శకత్వం వహించిన 'RRR' మూవీకి స్టంట్ మాస్టర్ గా పని చేశాడు. ఇప్పుడు, రిషబ్ శెట్టి 'కాంతార' కోసం ఆయన్ను వాడనున్నారు. చూడబోతుంటే ఈసారి పెద్ద ప్లానే వేసినట్లు తెలుస్తుంది. KGF, సలార్ లాంటి పాన్ ఇండియా బ్లాక్ బస్టర్స్ ను నిర్మించిన హోంబలే ఫిల్మ్స్ ఈ చిత్రాన్ని నిర్మిస్తున్నారు. ఈ మూవీ వచ్చే ఏడాది ఆడియెన్స్ ముందుకు రానుంది.