అమ్మాయిల చర్మంతో బిజినెస్.. అసలేం జరుగుతోంది

దిశ, సినిమా: స్టార్ హీరోయిన్ హన్సిక ప్రధాన పాత్రలో ఆర్గాన్ మాఫియా నేపథ్యంలో తెరకెక్కిన చిత్రం 'మై నేమ్‌ ఈజ్ శ్రుతి'. ఇటీవల తెలుగులో విడుదలైన ఈ మూవీ టీజర్‌లో 'మనుసుల చర్మం వలిచి బిజినెస్ చేస్తామంటున్నారు. ఏం చేయాలి వాళ్లను?' అంటూ హన్సిక చెప్పే డైలాగులు అభిమానుల్లో క్యూరియాసిటీని పెంచేశాయి. ఇదిలావుంటే.. తెలుగు, తమిళం, హిందీ భాషల్లో విడుదల చేయనున్న ఈ చిత్ర తమిళ్ టీజర్ తాజాగా విడుదల చేసినట్లు మేకర్స్ తెలుపగా హన్సిక మాట్లాడుతూ.. 'సినిమా చూస్తున్నంత సేపు ఏం జరుగుతుందనే ఉత్కంఠ ఉంటుంది. ముగింపు వరకు ఎవరూ ఈ కథను ఊహించలేని ట్విస్ట్‌లతో తెరకెక్కించారు. బయట ప్రపంచానికి తెలియకుండా జరుగుతున్న ఘోరాలను ఈ మూవీలో చూపించేందుకు ప్రయత్నించాం' అని చెప్పుకొచ్చింది. ఇక ఈ చిత్రాన్ని వైష్ణవి ఆర్ట్స్ పతాకంపై బురుగు రమ్య ప్రభాకర్ నిర్మిస్తుండగా శ్రీనివాస్ ఓంకార్ దర్శకత్వం వహించారు.