మ‌నుషుల్లా కొట్టుకున్న ఎలుగు బంట్లు.. ఇలాంటి సీన్ జ‌న్మ‌లో చూసుండ‌రు!
ఇంతకు ముందు ఎప్పుడూ అవి గొడవ పడటం చూడ‌లేదని చెప్పారు. Bear fight caught on video inside California resident's carport.
దిశ, వెబ్‌డెస్క్ః ఇటీవ‌ల శ్రీకాకుళం జిల్లాలో ఎలుగుబంటి సృష్టించిన ర‌చ్చ గురించి వార్త‌ల్లో విన్నాము. సాధార‌ణంగా వీటి గురించి వినే వార్త‌ల్లో ఇలాగే జనావాసాల్లోకి దూరిన‌వో, జూలో స‌ర‌దా చేష్ట‌లు చేసే ఎలుగుబంట్లనో చూస్తుంటాము. అయితే, ఈ వీడియో మాత్రం ఎలుగుబంట్లు ఇంతలా ఫైట్ చేసుకుంటాయా అన్న‌ట్లు ఉంటుంది. తాజాగా అమెరికాలోని ఓ ఇంటి కార్‌పోర్ట్‌లో రెండు ఎలుగుబంట్లు గొడవ‌ప‌డ‌టం సెక్యూరిటీ కెమెరాకు చిక్కింది. కాలిఫోర్నియాలోని సౌత్ లేక్ టాహోకు చెందిన లిసా క్విక్ ఈ క్లిప్‌ను ఫేస్‌బుక్‌లో షేర్ చేశారు. అందులో రెండు ఎలుగుబంట్లు కొట్లాట, వాటి అరుపులు భ‌యంక‌రంగా ఉంటాయి. వీడియో ప్రారంభంలో రెండు జంతువులు ఒకదానికొకటి పరుగెత్తడం, ఢీకొట్టడం వంటివి క‌నిపిస్తుంది. కొన్ని సెకన్ల తర్వాత అవి అచ్చం మ‌నుషుల్లా రెండు కాళ్ల‌పై నిల్చోని, చేతుల‌తో కొట్టుకోవ‌డం, క‌ల‌బ‌డ‌టం కనిపించింది. సోష‌ల్ మీడియాలో ఈ వీడియో వైరల్‌గా మారింది. "అయ్యో !!! భయానకంగా ఉంది" అని నెటిజ‌నులు కామెంట్లు చేస్తున్నారు. ఈ సంఘ‌ట‌న గురించి ABC7తో మాట్లాడిన ఇంటి య‌జ‌మానురాలు, క్విక్, ఏవో అరుస్తున్న శబ్దాలకు తాను మేల్కొన్నానని చెప్పింది. వాటిని చూసిన వెంట‌నే "నేను అరిచాను, నా కుక్కలు మొరగడం మొద‌లుపెట్టాయి. ఇక భ‌య‌మేసి మేము పరిగెత్తాము. నేను ప్రతిరోజూ ఎలుగుబంట్లను చూస్తాను కానీ, ఇంతకు ముందు ఎప్పుడూ అవి గొడవ పడటం చూడ‌లేదు" అని చెప్పారు. మీరూ చూడండి..