Emmy Awards: ఘనంగా జరిగిన ఇంటర్నేషనల్ ఎమ్మీ అవార్డ్స్.. పాపం శోభితా ధూళిపాళ్లకు నిరాశే..!!

దిశ, వెబ్‌డెస్క్: అంతా ఎంతో ఆసక్తిగా ఎదురుచూస్తోన్న ఎమ్మీ అవార్డుల(Emmy Awards) వేడుక న్యూయార్క్‌(New York)లో చాలా గ్రాండ్‌గా నిర్వహించారు. సినీ ఇండస్ట్రీలో నటీనటులు ఎంతో ప్రతిష్టాత్మంగా భావించే ఈ కార్యక్రమానికి భారతీయ నటుడు సందడి చేశాడు. బాలీవుడ్ కమెడియన్ వీర్ దాస్(Bollywood comedian Veer Das) యాంకర్‌గా వ్యవహరించాడు.

అయితే అవార్డుల వేడుకలో శోభితా(Sobhita Dhulipalla)  నటించిన ది నైట్ మేనేజర్ వెబ్ సిరీస్ కూడా పోటీపడింది. దీంతో అభిమానులంతా ఈ వెబ్ సిరీస్‌కు అవార్డు దక్కుతుందని సోషల్ మీడియాలో హవా చేశారు. కానీ అక్కినేని(Akkineni) కాబోయే కోడలికి నిరాశే మిగిలింది. ఉత్తమ వెబ్ సిరీస్‌గా ఫ్రెంచ్ సిరీస్ ‘లెస్ గౌట్టెస్ డి డైయూ’(Les Gauttes de Dieu) అవార్డును సంపాదించుకుంది.

ఈ సందర్భంగా ఎమ్మీ అవార్డుల వేడుకకు వ్యాఖ్యాతగా వ్యవహరించిన బాలీవుడ్ హాస్యనటుడు మాట్లాడుతూ.. ఇంత గొప్ప కార్యక్రమానికి యాంకర్‌గా చేసినందుకు చాలా హ్యాపీగా ఉందని వెల్లడించాడు. ఈ వేడుకలో యాంకర్‌గా చేయడానికి ఎప్పుడైనా సరే సిద్ధంగా ఉంటానని తెలిపాడు. అవార్డులు సొంతం చేసుకున్నవారందరికీ అభినందనలు చెప్పాడు.