హిందువులను కించపరిచిన అక్షయ్.. వివాదంలో 'బచ్చన్ పాండే'

దిశ, సినిమా : అక్షయ్‌ కుమార్ తాజా చిత్రం 'బచ్చన్ పాండే' వివాదంలో చిక్కుకుంది. ఈ నెల 18న విడుదలైన చిత్రాన్ని బ్యాన్ చేయాలంటూ సోషల్ మీడియా వేదికగా పలువురు డిమాండ్ చేస్తున్నారు. విషయానికొస్తే.. అక్షయ్‌ కుమార్‌ ఈ మూవీలో జనాలను హత్య చేసే ఒక వయిలెంట్ క్రిమినల్ పాత్ర పోషించాడు. అయితే ఇలాంటి క్యారెక్టర్‌కు 'పాండే' అనే సర్ నేమ్ ఉపయోగించడం వివాదానికి దారితీసింది. దీంతో హిందువులను కించపరిచే విధంగా హీరో క్యారెక్టర్‌ను తెరకెక్కించారని, వెంటనే సినిమాను ఆపేయాలంటూ ఆగ్ర వ్యహంక్తం చేస్తున్నారు. ఈ మేరకు #BoycottBachchhanpandey హ్యాష్‌ ట్యాగ్‌ సోషల్ మీడియాలో ట్రెండ్‌ అవుతోంది. ఇక ఈ మూవీలో జాక్వెలిన్‌ ఫెర్నాండేజ్, కృతి సనన్‌ హీరోయిన్లు కాగా టాలీవుడ్ మూవీ 'గద్దలకొండ గణేష్‌'కు రీమేక్‌గా 'బచ్చన్ పాండే'ను తెరకెక్కించాడు దర్శకుడు ఫర్హద్ సమ్జీ.