జమ్మూలో ఎన్ కౌంటర్, ముగ్గురు ఉగ్రవాదులు హతం

శ్రీనగర్: జమ్మూలో ముగ్గురు ఉగ్రవాదులను భద్రతా దళాలు మట్టుపెట్టాయి. ఈ విషయాన్ని కశ్మీర్ ఇన్స్‌పెక్టర్ జనరల్ ఆఫ్ పోలీస్ విజయ్ కుమార్ తెలిపారు. వీరంతా గతంలో ఖోన్మోహ్ గ్రామ సర్పంచ్ ను హతమార్చారని వెల్లడించారు. ఉగ్ర కదలిక అనుమానంతో భద్రతా దళాలు కార్డెన్ సెర్చ్ నిర్వహిస్తుండగా ఈ కాల్పులు చోటు చేసుకున్నట్లు చెప్పారు. అయితే ఇంకా ఉగ్రవాదులు ఉన్నారనే అనుమానంతో గాలింపు చర్యలు కొనసాగిస్తున్నట్లు తెలిపారు. కాగా చనిపోయిన వారిని లష్కర్ ఈ తోయిబా ఉగ్రసంస్థ చెందిన వారని అన్నారు. వీరిని అదిల్ తెలి, సాకిబ్ తంత్రయ్, ఉమర్ తెలిగా గుర్తించారు. నిర్ధారణ కోసం కుటుంబ సభ్యులను పిలిచినట్లు తెలిపారు.