పండుగ రోజు విషాదం.. బైక్ అదుపు తప్పి వ్యక్తి దుర్మరణం

దిశ, గూడూరు: బైక్ అదుపు తప్పి ఓ వ్యక్తి మృతి చెందిన సంఘటన మహబూబాబాద్ జిల్లా గూడూరు మండల కేంద్రంలో జరిగింది. బోల్లేపల్లి గ్రామానికి చెందిన హెచ్చు కిరణ్, బత్తుల కిరణ్ అనే ఇద్దరు వ్యక్తులు బైక్ పై అయోధ్యపురం నుంచి బోల్లేపల్లికి వెళ్తున్న క్రమంలో వాయిల్ బంధం గ్రామ మూల మలుపు వద్ద వేగంగా వస్తున్న బైక్ అదుపు తప్పడంతో హెచ్చు కిరణ్ (22) అక్కడికక్కడే మృతి చెందాడు. బత్తుల కిరణ్ కు తీవ్ర గాయాలు కావడంతో గూడూరు ప్రభుత్వ ఆసుపత్రికి తరలించి చికిత్స అందిస్తున్నారు. ఈ ఘటనతో పండగ రోజు సరదాగా గడపాల్సిన కుటుంబంలో విషాదం నెలకొంది.