గంజాయి సేవిస్తున్న ముగ్గురి అరెస్ట్

దిశ,ఎల్కతుర్తి: గంజాయి సేవిస్తున్న ముగ్గురిని ఎల్కతుర్తి పోలీసులు శనివారం అరెస్టు చేశారు. స్థానిక పోలీస్ స్టేషన్ లో శనివారం ఏర్పాటు చేసిన విలేకరుల సమావేశంలో సీఐ పులి రమేష్ వివరాలు వెల్లడించారు. వారి కథనం ప్రకారం.. ఎల్కతుర్తి మండలం సూరారం ఎల్లమ్మ టెంపుల్ వద్ద యువకులు గంజాయి సేవిస్తున్నట్లు సమాచారం రావడంతో ఎల్కతుర్తి ఎస్సై గోదరి రాజ్ కుమార్ ఆధ్వర్యంలో పోలీసులు శనివారం ఉదయం దాడులు నిర్వహించారు. దాడుల్లో సూరారం గ్రామానికి చెందిన కుర్ర అభినేష్, మొలుగూరి నవీన్, ఛత్తీస్‌గఢ్ కు చెందిన వలస కూలీ సంతోష్ కుమార్ సాహూ గంజాయి తాగుతుండగా చాకచక్యంగా పట్టుకున్నారు. వారిని శనివారం రిమాండ్ కు తరలించినట్లు సీఐ తెలిపారు. ఎస్సై గోదరి రాజ్ కుమార్, హెడ్ కానిస్టేబుల్ సారంగపాణి, విఠల్, బక్కయ్యను సీఐ అభినందించారు. సమావేశంలో హెడ్ కానిస్టేబుల్ మల్లేశం, కానిస్టేబుల్ రాజన్న, నిరంజన్, రంజిత్, వలీ, స్వరూప పాల్గొన్నారు.