సోలం వారి కుంటలో మొరం స్వాహా..

దిశ, బయ్యారం : మండల కేంద్రంలోని మండల రెవెన్యూ పరిధిలో అనుమతులు లేకుండా చెన్నంగుల గడ్డ గ్రామ సరిహద్దుల్లో సోలెం వారి కుంటలో గత కొన్ని రోజులుగా మొరం అక్రమార్కులు జేసీబీ యంత్రంతో మట్టి తవ్వకాలు చేస్తూ, గృహ నిర్మాణాలకు విక్రయాలు చేస్తున్నారు. మండలంలో కోళ్ల ఫారాలు, నూతనంగా నిర్మించే గృహనిర్మాణాలకు ట్రాక్టర్ లతో చేర వేస్తూ సొమ్ము చేసుకుంటున్నారు. పర్యవేక్షణ అధికారులు పర్యవేక్షణ చేయకుండా, నిమ్మకు నీరెత్తినట్లు చూడటం పై పలువురు పలు అనుమానాలు వ్యక్తం చేస్తున్నారు. దీని పై తహశీల్దార్ బి.విజయ ఫోన్ లో వివరణ కోసం ప్రయత్నం చేయగా మండలంలో మట్టి అనుమతులు తీసుకోలేదని, అనుమతి లేకుండా మట్టి తరలిస్తే చట్ట పరమైన చర్యలుంటాయని తెలిపారు.