వ్యవసాయ బావిలో పడి గొర్రెల కాపరి మృతి..

దిశ, దుగ్గొండి : ప్రమాదవశాత్తు వ్యవసాయ బావిలో పడి గొర్రెల కాపరి మృతి చెందిన ఘటన దుగ్గొండి మండలం దేశాయిపల్లి గ్రామంలో సోమవారం రాత్రి చోటు చేసుకుంది. మృతుడి కుటుంబ సభ్యులు తెలిపిన వివరాల ప్రకారం దేశాయిపల్లి గ్రామానికి చెందిన కాపరి కోట మల్లయ్య గొర్రెలను కాస్తూ జీవనం గడిపేవాడు.

ఇదే క్రమంలో గ్రామానికి చెందిన లాసాని శ్రీనివాస్ వ్యవసాయ భూమి వద్ద గొర్రెల మందను పెట్టారు. అక్కడ ఉన్న తన కుమారుడికి ఇంటి నుండి టిఫిన్ బాక్స్ తీసుకోని వెళ్తుండగా ప్రమాదవశత్తు వ్యవసాయ బావిలో పడి మృతి చెందాడు. మృతుడికి భార్య పద్మ, కుమారులు నవీన్, రాజ్ కుమార్ ఉన్నారు. మృతుడి భార్య పద్మ ఇచ్చిన ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై నీలోజు వెంకటేశ్వర్లు తెలిపారు. మృతదేహన్ని శవ పంచణామా నిమిత్తం నర్సంపేటలోని మార్చురికి తరలించారు.