రశీదులలో ఒకటి...వసూలు మరొకటి..
టెండర్ల ప్రక్రియ పూర్తయ్యాక దర్గా నిర్వహణ వక్ఫ్బోర్డు ఆధీనంలో నుంచి టెండర్ దారుడు ఆధీనంలోకి వెళ్తుంది. దీనిని ఆసరా చేసుకుని ఇక్కడి టెండర్ దర్గా సిబ్బంది కొత్త దందాకు తెరలేపారు. వివిధ మొక్కులకు సంబంధించి మేక ఫాతియాకు రూ.300, కోడి ఫాతియాకు రూ.100 ధర నిర్ణయించి భక్తుల నుంచి డబ్బులు వసూలు చేస్తున్నారు. గతంలో మేక ఫాతియాకు రూ.200 ఉండగా ఇప్పుడు రూ.300 చేశారని పలు గ్రామాలకు చెందిన భక్తులు పేర్కొంటున్నారు. ప్రశ్నిస్తే ‘గతంలో అన్నారం దర్గా కాంట్రాక్టు లక్షల్లో ఉండేది ఇప్పుడు కోట్లలో అయ్యింది. అందుకే టికెట్ల ధరలు పెంచాం’ అంటూ సమాధానం ఇస్తున్నారని ఆందోళన వ్యక్తం చేస్తున్నారు.
వక్ఫ్బోర్డ్ అధికారి కనుసైగల్లో దందా...
అన్నారంలో అక్రమ వసూల్ల దందా వక్ఫ్బోర్డ్ అధికారి కనుసైగల్లోనే నడుస్తుందని, ప్రతీ విషయం కూడా ఇన్స్పెక్టర్ స్థాయి అధికారి దృష్టిలో ఉంటుందని, ఇక్కడ జరిగేది అధికారుల దృష్టికి తీసుకువెళ్లరని స్థానికులు ఆరోపిస్తున్నారు. ఇప్పటికైనా సంబంధిత అధికారులు స్పందించి దర్గా నిర్వాహకులపై, అక్రమ వసూలు చేసే సిబ్బందిపై తగు చర్యలు తీసుకోవాల్సిందిగా స్థానిక ప్రజలు కోరుకుంటున్నారు.