బీజేపీ నాయకుల అరెస్ట్

దిశ, కాటారం : రాష్ట్ర బీజేపీ అధ్యక్షులు, కరీంనగర్ పార్లమెంట్ సభ్యులు బండి సంజయ్ అరెస్టు నిరసనగా కాటారంలో బీజేపీ ధర్నా చేయనున్నారు. ఈ నేపథ్యంలో ముందుగానే కాటారం పోలీసులు బీజేపీ నాయకులను బుధవారం అరెస్టు చేశారు. బీజేపీ నాయకుల ఇండ్లకు వెళ్లి ఒక్కొక్కరిని పోలీసులు తీసుకొని స్టేషన్‌కు తరలించారు. మంగళవారం అర్ధరాత్రి రాష్ట్ర బీజేపీ అధ్యక్షుడు బండి సంజయ్‌ను అరెస్ట్ చేయడాన్ని బీజేపీ నాయకులు దుర్గం తిరుపతి, కొండ గొర్ల రాయమల్లు, బొంతల రవీందర్, జాడి లక్ష్మణులు తీవ్రంగా ఖండించారు.

అక్రమ అరెస్టులకు తాటాకు చప్పుళ్ళకు భయపడే పార్టీ కాదని.. బీజేపీ పార్టీ నాయకుడు, రాష్ట్ర అధ్యక్షుడు బండి సంజయ్‌ను బలవంతంగా లాక్కొని అరెస్టు చేయాల్సిన అవసరం ఏమొచ్చిందని బీజేపీ నాయకులు ప్రశ్నించారు. అరెస్టుకు నిరసనగా కాటారంలో బీజేపీ చేపడుతున్న నిరసన కార్యక్రమాలు జరగకుండా ఉండేందుకే పోలీసులు మమ్మల్ని ముందస్తు అరెస్టులు చేశారని బీజేపీ నాయకులు తీవ్రంగా విమర్శించారు.