సీతక్క ప్రచారంలో కదం తొక్కిన ఆదివాసీలు

దిశ, మంగపేట : మండలంలో శుక్రవారం సీతక్క పర్యటనకు జనం నీరాజనం పలికారు. ఎన్నికల ప్రచారంలో భాగంగా మంగపేట, తొండ్యాల లక్ష్మీపురం, కోమటిపల్లి, నర్సాపురం బోరు గ్రామాల్లో పర్యటించిన సీతక్కను ప్రజలు సాదరంగా ఆహ్వనించడమే కాకుండా దారి పొడవునా పూలు చల్లుతూ అడుగడుగునా హారతులు పడుతూ మహిళలు ప్రజలు స్వాగతించారు. ఈ సందర్భంగా మంగపేట, తొండ్యాల లక్ష్మీపురం, కోమటిపల్లి గ్రామల్లో కాంగ్రెస్ అభ్యర్థి, ఎమ్మెల్యే సీతక్కపై అభిమానంతో మేడిద సతీష్ ఆధ్వర్యంలోని బీఆర్ఎస్, బీజేపీలకు చెందిన నాయకులు కార్యకర్తలు కాంగ్రెస్ పార్టీలో చేరి సీతక్కకు మద్దతు పలికారు. కార్యక్రమంలో మండల పార్టీ అధ్యక్షుడు మైల జయరాం రెడ్డి, ఎస్టీ సెల్ జిల్లా అధ్యక్షుడు గుమ్మడి సోమయ్య, సీనియర్ నాయకులు వల్లెపల్లి శివప్రసాద్, నేలపట్ల రామచంద్రారెడ్డి, ఆక రాధాకృష్ణ, పూజరి సురేందర్ బాబు, చెట్టుపల్లి వెంకటేశ్వర్లు, అయ్యోరి యానయ్య, దామెర సారయ్య, నగేష్, హిదయతుల్లా, చాద మల్లయ్య, భగవాన్ రెడ్డి, ఆదినారాయణలు పాల్గొన్నారు.