రేవంత్ రెడ్డి స‌మ‌క్షంలో పార్టీలోకి మాజీ మావోయిస్టు

దిశ‌,వ‌రంగ‌ల్ బ్యూరో : మాజీ మావోయిస్టు అగ్ర‌నేత గాజ‌ర్ల అశోక్ అలియాస్ ఐతు గురువారం పీసీసీ చీఫ్ రేవంత్ రెడ్డి స‌మ‌క్షంలో ఆ పార్టీలో చేరిపోయారు. జయశంకర్‌ భూపాలపల్లి జిల్లా టేకుమట్ల మండలం వెలిశాల గ్రామానికి చెందిన మాజీ మావోయిస్టు గాజర్ల అశోక్‌ అలియాస్‌ ఐతు 2016లో లొంగిపోయి జ‌న‌జీవ‌న స్రవంతిలో క‌లిసిన ఐతు సాధార‌ణ జీవితం గ‌డుపుతున్నారు. అయితే కొన్నాళ్లుగా రాజ‌కీయ రంగ ప్ర‌వేశానికి ఆయ‌న ప్ర‌య‌త్నాలు సాగిస్తున్నారు. ఈక్ర‌మంలోనే ప‌ర‌కాల నియోజ‌క‌వ‌ర్గం నుంచి కాంగ్రెస్ అభ్య‌ర్థిగా అవ‌కాశం క‌ల్పించాల‌ని ఆ పార్టీ ముఖ్య‌నేత‌ల‌తో ప్ర‌య‌త్నాలు సాగించిన‌ట్లుగా తెలుస్తోంది. ఈక్ర‌మంలోనే ఆయ‌న కాంగ్రెస్ పార్టీ కండువా క‌ప్పుకోవ‌డం గ‌మ‌నార్హం. ప‌ర‌కాల నుంచి బీసీ అభ్య‌ర్థికి అవ‌కాశం క‌ల్పించాల‌ని పార్టీ నిర్ణ‌యం తీసుకున్న‌ట్లుగా తెలుస్తున్న నేప‌థ్యంలో గాజ‌ర్ల అశోక్ చేరిక చ‌ర్చ‌నీయాంశంగా మారింది.