దిశ, వెబ్ డెస్క్ : తెలంగాణ చలనచిత్రాలకు సంబంధించిన గద్దర్ అవార్డుల(Gaddar Awards) కోసం టీఎఫ్డీసీ(TFDC) నోటిఫికేషన్ విడుదల చేసింది. అవార్డుల కోసం దరఖాస్తు ఫారాల(Applications) నోటిఫికేషన్ బుధవారం విడుదల చేసింది. ఈనెల 20వ తేదీ మధ్యాహ్నం 3 గంటల వరకు ఏసీ గార్డ్స్ లోని టీఎఫ్డీసీ సంబంధిత ఆఫీసులో అందుబాటులో ఉంటాయని పేర్కొంది. దరఖాస్తులను 22వ తేదీ మధ్యాహ్నం 3 గంటల వరకు స్వీకరిస్తామని తెలిపింది. ఫీచర్ ఫిల్మ్స్, జాతీయ సమైక్యతపై చలన చిత్రం, బాలల చలన చిత్రం, పర్యావరణం/హెరిటేజ్/ చరిత్రలపై చలన చిత్రం, డెబ్యూట్ ఫీచర్ ఫిల్మ్స్, యానిమేషన్ ఫిల్మ్, సోషల్ ఎఫక్ట్ ఫిల్మ్స్, డాక్యుమెంటరీ ఫిల్మ్స్, షార్ట్ ఫిల్మ్స్, తెలుగు సినిమాలపై బుక్స్/ విశ్లేషణాత్మక వ్యాసాలు, ఆర్టిస్టులు/ టెక్నీషియన్లు తదితర విభాగాల్లో అప్లికేషన్లకు ఆహ్వానం పలికింది టీఎఫ్డీసీ. దరఖాస్తు ఫారాలతోపాటు "ది మేనేజింగ్ డైరెక్టర్, తెలంగాణ ఫిల్మ్ డెవలప్మెంట్ కార్పొరేషన్ లిమిటెడ్" పేరిట చెక్కులు/డీడీలను పంపాలని పేర్కొంది.
ఎంట్రీ, అప్లికేషన్ ఫీజు వివరాలు
*ఫీచర్ ఫిల్మ్ ఎంట్రీ ఫీజు - రూ.11,800
*డాక్యుమెంటరీ, షార్ట్ ఫిల్మ్స్ - రూ.3,540
*బుక్స్, క్రిటిక్స్ - రూ.2360
*మిగిలిన అన్ని విభాగాలకు - రూ.5900