ఫలితాలు ఎల్లప్పుడు ఆశించిన విధంగా ఉండవు రాకేష్!.. బీఆర్ఎస్ నేత కేటీఆర్ ట్వీట్

దిశ, డైనమిక్ బ్యూరో:ఫలితాలు ఎప్పుడు ఆశించిన విధంగా ఉండవని బీఆర్ఎస్ వర్కింగ్ ప్రెసిడెంట్ కేటీఆర్ ఆన్నారు.వరంగల్ ఖమ్మం నల్లగొండ పట్టభద్రుల ఎమ్మెల్సీ ఎన్నికలపై బీఆర్ఎస్ అభ్యర్ధి పెట్టిన పోస్ట్ పై కేటీఆర్ స్పందించారు. పట్టభద్రుల ఎమ్మెల్సీ ఎన్నికల్లో బీఆర్ఎస్ పార్టీ తరుపున పోటీ చేసిన ఏనుగుల రాకేష్ రెడ్డి ఎన్నికల్లో తన కోసం పని చేసిన వారికి ధన్యవాదాలు తెలుపుతూ.. సోషల్ మీడియాలో పోస్ట్ పెట్టారు. దీనిపై మాజీ మంత్రి కేటీఆర్ స్పందిస్తూ.. ఈ ఎన్నికల్లో మీరు గట్టిపోటీ ఇచ్చారని, కానీ ఫలితాలు ఎల్లప్పుడూ ఆశించిన విధంగా ఉండవని అన్నారు. అలాగే మీరు దృఢంగా ఉండండి. కష్టపడి పనిచేయడం కొనసాగిద్దాం అని కేటీఆర్ ట్వీట్ చేశారు. కాగా వరంగల్ ఖమ్మం నల్లగొండ పట్టభద్రుల ఎమ్మెల్సీ ఉపఎన్నిక పోలింగ్ గత నెల 27న జరిగింది. రెండు రోజుల పాటు లెక్కింపు అనంతరం శుక్రవారం ఫలితాలు వెళువడ్డాయి. ఈ ఫలితాల్లో బీఆర్ఎస్ అభ్యర్ధి ఏనుగుల రాకేష్ రెడ్డి పై కాంగ్రెస్ అభ్యర్ది చింతపండు నవీన్ (తీన్మార్ మల్లన్న) దాదాపు 18 వేల మెజారిటీతో విజయం సాధించారు.