మరో వెయ్యి పోస్టులు.. త్వరలో ప్రాసెస్ షురూ

దిశ, తెలంగాణ బ్యూరో: ఇప్పటికే ఐదు వేలకు పైగా నర్సుల పోస్టుల భర్తీకి నోటిఫికేషన్​రిలీజ్​చేసిన సర్కార్...అతి త్వరలో మరో వెయ్యి పోస్టులను అదనంగా ప్రకటించనున్నారు. అనుమతి కోసం వైద్యారోగ్యశాఖ నుంచి సర్కార్​ కు ఫైల్​ వెళ్లింది. టీచింగ్​ ఆసుపత్రులలో నర్సులను నింపనున్నారు. ప్రభుత్వం నుంచి గ్రీన్​సిగ్నల్ రాగానే నియామకాలు చేపడతామని వైద్యాధికారులు తెలిపారు. దీంతో పాటు కొత్త మెడికల్ కాలేజీల్లో 1400 పైగా అసిస్టెంట్ ప్రోఫెసర్లను కూడా రిక్రూట్ చేయనున్నారు. అయితే ఇప్పటికే కొందరు పాత కాలేజీల్లో పోస్టులు ఇవ్వాలని అప్లికేషన్లలో ఆప్షన్​పెట్టుకున్నారని, ఎట్టి పరిస్థితుల్లో పాత కాలేజీలో ఇచ్చే చాన్స్​ లేదని అధికారులు క్లారిటీ ఇచ్చారు.