కొంగర విష్ణువర్ధన్ రెడ్డి ఆధ్వర్యంలో కాంగ్రెస్ లోకి భారీచేరికలు..

దిశ, ఇబ్రహీంపట్నం : ఇబ్రహీంపట్నం నియోజకవర్గంలో కాంగ్రెస్ పార్టీలో జోరుగా చేరికలు కొనసాగుతున్నాయి. మంచాలమండలం నుండి ఆరుట్ల గ్రామసర్పంచ్ కొంగర విష్ణువర్ధన్ రెడ్డి నాయకత్వంలో సర్పంచులు, ఎంపీటీసీ సభ్యులు, వార్డు సభ్యులతో పాటు వెయ్యి మంది కాంగ్రెస్ పార్టీతో చేరారు. కాంగ్రెస్ కండువా కప్పి సాదరంగా ఆహ్వానించిన ఇబ్రహీంపట్నం కాంగ్రెస్ పార్టీ అభ్యర్థి రంగారెడ్డి ఇబ్రహీంపట్నం నియోజకవర్గంలో త్వరలో బీఆర్ఎస్ పార్టీ నుండి బారీ చేరికలు జరుగుతాయని, ప్రజల చేతిలో బీఆర్ఎస్ పార్టీకి పతనం తప్పదు అని తెలిపారు. ఈ కార్యక్రమంలో మల్ రెడ్డి రామ్ రెడ్డి, జెడ్పీటీసీ భూపతిగాళ్ల మహిపాల్, చిలక మధుసూదన్ రెడ్డి, నాయకులు, కార్యకర్తలు తదితరులు పాల్గొన్నారు.