ప్రధాని వరుస పర్యటనలు.. ఈనెల 25, 26, 27 తేదీల్లో మరోసారి టూర్

దిశ, తెలంగాణ బ్యూరో : ఎన్నికల ప్రచారంలో భాగంగా ప్రధాని మోడీ తెలంగాణలో వరుస పర్యటనలు కొనసాగనున్నాయి. ఈనెల 25, 26, 27 తేదీల్లో తెలంగాణలో ప్రధాని పర్యటించనున్నారు. వరుసగా మూడ్రోజుల పాటు బీజేపీ ప్రచారం హోరెత్తనుంది. ఈనెల 23తో ఇతర రాష్ట్రాల్లో ఎన్నికలు పూర్తవుతాయి. ఈనేపథ్యంలో ప్రధాని ఇక్కడే మూడ్రోజుల పాటు మకాం వేయనున్నారు. ఈనెల 25న కరీంనగర్ జన గర్జన సభలో ప్రధాని పాల్గొననున్నారు. 26న నిర్మల్ జన గర్జన సభలో పాల్గొననున్నారు. 27న హైదరాబాద్ లో మోడీ భారీ రోడ్ షో నిర్వహించాలని బీజేపీ ప్లాన్ చేస్తోంది. రూట్ మ్యాప్‌పై కసరత్తు చేస్తోంది. రోడ్ షో నిర్వహించాలనుకుంటే ఎల్బీనగర్ నుంచి శేరిలింగంపల్లి వరకు పలు అసెంబ్లీ స్థానాలు కవర్ అయ్యేలా చూడాలని పార్టీ భావిస్తోంది.