ప్రధాని మోడీ తెలంగాణ పర్యటన ఖరారు.. భారీ ‘రోడ్ షో’కు ప్లాన్

దిశ, వెబ్‌డెస్క్: ప్రధాని నరేంద్ర మోడీ తెలంగాణ పర్యటన ఖరారు అయింది. ఇప్పటికే ఒక దఫా తెలంగాణలో పర్యటించిన ప్రధాని మోడీ ఈనెల 15, 16, 18 తేదీల్లో మరోసారి పర్యటించనున్నారు. కాగా ఈనెల 15వ తేదీన మల్కాజ్‌గిరి పార్లమెంట్ పరిధిలో భారీ రోడ్ షో నిర్వహించాలని పార్టీ ప్లాన్ చేస్తోంది. దాదాపు గంటన్నరకు పైగా రోడ్ షో నిర్వహించాలని పార్టీ భావిస్తోంది. అందుకు సంబంధించిన అంశాలపై బుధవారం ఉదయం నాంపల్లి బీజేపీ రాష్ట్ర కార్యాలయంలో సన్నాహక సమావేశం జరగనుంది. ఇదిలా ఉండగా ఈనెల 15న మల్కాజ్ గిరిలో, 16వ తేదీన నాగర్ కర్నూల్ పార్లమెంట్ పరిధిలో, 18న జగిత్యాలలో మోడీ పర్యటించనున్నారు.