ఘనంగా కండె రాయుడు మల్లన్న జాతర

దిశ, ఆలూర్ : ఆలూరు మండల కేంద్రంలో వీడీసీ ఆధ్వర్యంలో ఆదివారం కండె రాయుడు మల్లన్న జాతర, రథోత్సవం వైభవంగా నిర్వహించారు. ఈ సందర్భంగా భక్తులు నైవేద్యాలు సమర్పిస్తూ, మొక్కులు తీర్చేందుకు పెద్ద ఎత్తున బారులు తీరారు. ఇతర గ్రామాల నుంచి వచ్చిన భక్తులు పెద్ద ఎత్తున బోనాలతో పాటు..రంగురంగు బంతిపూలతో అందంగా షిడి ( రథం ) ను డప్పు, కుర్మా డోలు,వాయిద్యాలతో, భక్తుల మధ్య గుడి చుట్టూ 19 ప్రదక్షిణలు చేశారు. జాతరలో ఎలాంటి అవాంఛనీయ ఘటనలు జరగకుండా అన్ని ఏర్పాట్లు చేశామని వీడిసి అధ్యక్షులు బార్ల ముత్యం తెలియజేశారు. ఈ సందర్భంగా బార్ల ముత్యం మాట్లాడుతూ..22 నాడు రెండవ రథోత్సవం నిర్వహిస్తామని, భక్తులు అధిక సంఖ్యలో పాల్గొలన్నారు. జాతరకు సహకరించిన ప్రజలందరికీ ధన్యవాదాలు తెలిపారు. ఈ కార్యక్రమం లో వీడీసీ సభ్యులు, గ్రామ ప్రజలు తదితరులు పాల్గొన్నారు.