నాగార్జున కళాశాల ముందు మరుగుదొడ్లు నిర్మాణం నిలిపివేత

దిశ, నల్గొండ: గత రెండు రోజుల క్రితం నల్గొండ నాగార్జున ప్రభుత్వ కళాశాల ముందు సులబ్ కాంప్లెక్స్ కడుతామని పిల్లరు గుంతలు తీశారు. ఈ విషయం పై దిశ పత్రికలో నాగార్జున కళాశాల ముందు మరుగుదొడ్లు కట్టోద్దు అని అలా చేస్తే మాత్రం కచ్చితంగా కూల్చేస్తాం అంటున్న నాగార్జున కలశాల అల్యూమిని అసోసియేషన్ అనే కథనం ప్రచురితం చేయడం జరిగింది. దీనికి స్పందించిన నల్గొండ మున్సిపల్ కమిషనర్, అలాగే మున్సిపల్ చైర్మన్ అక్కడ సులబ్ కాంప్లెక్స్ కట్టకుండా తీసిన పిల్లర్ గుంతలను పూడ్చివేశారు. దిశ మున్సిపల్ కమిషనర్‌ని సంప్రదించగా అక్కడ కాకుండా వేరే చోట కట్టెల ప్రణాళిక చేస్తున్నట్లు తెలిపారు. నాగార్జున ప్రభుత్వ కళాశాల పూర్వ విద్యార్థుల అల్యూమిని అసోసియేషన్ అధ్యక్షులు సుంకరి రాజారాం, సెక్రటరీ బోనగిరి దేవేందర్ దిశ పత్రికకు ప్రత్యేక ధన్యవాదాలు తెలిపారు.