MLA Battula Lakshmareddy : విద్యార్థుల భవిష్యత్తు యాజమాన్యం బాధ్యత

దిశ, మిర్యాలగూడ :విద్యార్థుల భవిష్యత్తు పాఠశాల యాజమాన్యంపై ఆధారపడి ఉంటుందని ,వారు దాని బాధ్యతగా స్వీకరించి విద్యార్థులను మంచి పౌరులుగా తీర్చిదిద్దాలని ఎమ్మెల్యే బత్తుల లక్ష్మారెడ్డి( MLA Battula Lakshmareddy) అన్నారు. మంగళవారం మిర్యాలగూడ డివిజన్ ట్రస్మా అసోసియేషన్ నూతనంగా ఎన్నికైన కమిటీని అభినందించారు. ట్రస్మా పట్టణ అధ్యక్షులుగా లోటస్ స్కూల్ కరస్పాండెంట్ బొడ్డుపల్లి వరప్రసాద్, కార్యదర్శిగా ఓరుగంటి శ్యాంసుందర్, కోశాధికారిగా పాశం శ్రీధర్ రెడ్డి, మిర్యాలగూడ డివిజన్ అధ్యక్షులుగా శ్రీ కందాళ శ్రీనివాసచారి, కార్యదర్శిగా కందిమల్ల దామోదర్, కోశాధికారిగా సాలెం వెంకటేశ్వర్లు ఎన్నికయ్యారు. ఈ కార్యక్రమంలో రాష్ట్ర స్థాయి నాయకులు వంగాల నిరంజన్ రెడ్డి, శ్రీరామకవచం నాగరాజు, అలుగుబెల్లి శ్రీనివాసరెడ్డి, కుందూరు శ్యాంసుందర్ రెడ్డి, ముక్కమాల రాం మోహన్, గాదె రవీందర్ రెడ్డి, రాములు, పోలగాని సాయి శ్రీనివాస్ తదితరులు పాల్గొన్నారు.