కార్పొరేషన్‌కు అధిక నిధులు కేటాయించాలి

దిశ, తుంగతుర్తి: ఆర్య వైశ్య కార్పొరేషన్ ఏర్పాటుకు కేబినెట్ ఆమోదం పొందడం ఎంతో హర్షనీయమని సూర్యాపేట జిల్లా ఆర్యవైశ్య జిల్లా పొలిటికల్ చైర్మన్ తాడికొండ సీతయ్య పేర్కొన్నారు. తుంగతుర్తి మండల కేంద్రంలో బుధవారం ఏర్పాటు చేసిన విలేకరుల సమావేశంలో మాట్లాడారు. ఈ సందర్భంగా ముఖ్యమంత్రితో పాటు కేబినెట్ మంత్రులు, అధికారులకు ఆయన ధన్యవాదాలు తెలిపారు. వెంటనే విధి, విధానాలు ఖరారు చేసి పేద, మధ్య, తరగతి వైశ్య కుటుంబాలను ఆదుకునే విధంగా నిధులు కేటాయించాలని విజ్ఞప్తి చేశారు.