అడిషనల్ కలెక్టర్ (రెవెన్యూ)గా బెన్ షాలోం

దిశ, యాదాద్రి కలెక్టరేట్: యాదాద్రి భువనగిరి జిల్లా రెవెన్యూ అడిషనల్ కలెక్టర్‌గా బెన్ షాలోమ్ నియమిస్తూ రాష్ట్ర ప్రభుత్వం బుధవారం ఉత్తర్వులు జారీ చేసింది. గురువారం జిల్లా కలెక్టర్ హనుమంతు కె జెండాగేను మర్యాద పూర్వకంగా కలిసి పుష్పగుచ్చం అందజేశారు. జిల్లాలో అడిషనల్ కలెక్టర్‌గా విధులు నిర్వహించిన భాస్కరరావును ఈనెల నాలుగో తేదీన సస్పెండ్ చేస్తూ ఉత్తర్వులు జారీ చేసిన విషయం విధితమే. అయితే తాజాగా రాష్ట్రంలో ఉన్న రెవెన్యూ అడిషనల్ కలెక్టర్‌ల పోస్టులను భర్తీ చేశారు. 18 మంది డిప్యూటీ కలెక్టర్లకు పోస్టింగులు కేటాయించింది. ఈ బదిలీల్లో భాగంగా హుస్నాబాద్ ఆర్డీవోగా పని చేసిన బెన్ షాలోమ్ యాదాద్రి భువనగిరి జిల్లా రెవెన్యూ అడిషనల్ కలెక్టర్‌గా బదిలీ చేశారు.