హుజూర్ నగర్, కోదాడకు కాంగ్రెస్ ప్రముఖుల రాక ఎప్పుడంటే..

దిశ, నేరేడుచర్ల : తెలంగాణ అసెంబ్లీ ఎన్నికల నేపథ్యంలో ఎన్నికల ప్రచారంలో భాగంగా ఈనెల 10న సూర్యాపేట జిల్లా హుజూర్నగర్, కోదాడలో జరిగే స్ట్రీట్ కార్నర్ మీటింగ్ కు కర్ణాటక డిప్యూటీ సీఎం డీకే శివకుమార్ తో పాటు ఉమ్మడి ఆంధ్రప్రదేశ్ రెవెన్యూ శాఖ మంత్రిగా, ప్రస్తుత కాంగ్రెస్ వర్కింగ్ కమిటీ సభ్యులుగా పనిచేస్తున్న రఘువీరా రెడ్డి యాదవ్ పాల్గొననున్నారు. నల్లగొండ పార్లమెంట్ సభ్యులు హుజూర్ నగర్ కాంగ్రెస్ పార్టీ అభ్యర్థి ఉత్తమ్ కుమార్ రెడ్డి ఒక ప్రకటనలో తెలిపారు.

కోదాడ పట్టణానికి సాయంత్రం నాలుగు గంటలకు చేరుకొని 6 గంటల వరకు ఖమ్మం క్రాస్ రోడ్ నుంచి రాజీవ్ చౌక్ వరకు రోడ్ షో/పాదయాత్ర తర్వాత రాజీవ్ చౌక్ లో స్ట్రీట్ కార్నర్ మీటింగ్ పాల్గొంటారని తెలిపారు. ఆ తర్వాత సాయంత్రం 6 - 30 రాత్రి 8:30 వరకు హుజూర్ నగర్ పట్టణంలో పొట్టి శ్రీరాములు చౌక్ నుంచి ఇందిరా చౌక్ వరకు రోడ్ షో/పాద యాత్ర ఇందిరా చౌక్ లో స్ట్రీట్ కార్నర్ మీటింగు పాల్గొంటారని తెలిపారు. ఈ కార్యక్రమానికి నాయకులు కార్యకర్తలు ప్రజలు అధిక సంఖ్యలో పాల్గొని విజయవంతం చేయాలని కోరారు.