Body found : గుర్తు తెలియని మృతదేహం లభ్యం

దిశ, వలిగొండ:- మండలంలోని నర్సయ్యగూడెం గ్రామంలోని జోసెఫ్ చర్చి సమీపంలో గుర్తు తెలియని మృతదేహం లభ్యమైంది. దీంతో మంగళవారం గుర్తించిన స్థానికులు పోలీసులకు వెంటనే సమాచారం అందించారు. స్థానికులు ఇచ్చిన సమాచారం మేరకు.. మృతదేహాం వద్దకు చేరుకున్న పోలీసులు పంచనామ నిర్వహించి, మృతదేహాన్ని రామన్నపేట ప్రభుత్వ ఆసుపత్రికి తరలించారు. మృతుడు పసుపు పచ్చని నలుపు రంగు చెక గల షర్ట్, బ్లూ కలర్ లుంగి ధరించాడని, 5.2, 5.5 అడుగుల ఎత్తు కల్గి నలుపు రంగుతో ఉన్నడని, తల వెంట్రుకలు కొంత తెలుపురంగు, పొడవాటి తెలుపు గడ్డం ఆనవాళ్లు కల్గి ఉన్నాడని పోలీసులు తెలిపారు. ఆనవాళ్లతో ఉన్న వ్యక్తి ఆచూకి కోసం 8712662484, 8712662810 పోలీసుల ఫోన్ నంబర్లను సంప్రదించగలరని ఎస్సై యుగేందర్ గౌడ్ తెలిపారు.