తప్పి పోయిన మూడేళ్ల చిన్నారి.. తల్లి చెంతకు చేర్చిన పోలీసులు

దిశ, కూకట్ పల్లి: ఇంటి నుంచి తప్పి పోయి రోడ్లపై ఒంటరిగా తిరుగుతున్న మూడేళ్ల చిన్నారి భాగ్యను కూకట్ పల్లి పెట్రోలింగ్​ మొబైల్​ పోలీసులు తల్లి ఒడికి చేర్చి మానవత్వాన్ని చాటుకున్నారు. కూకట్​పల్లి బాగ్​అమీర్ కాలనీలో రోడ్డుపై ఒంటరిగా తిరుగుతున్న మూడేండ్ల చిన్నారిని గమనించిన పెట్రోల్​ మొబైల్​ విధులలో ఉన్న హెడ్​ కానిస్టేబుల్​ శ్యాంరావు చిన్నారి తల్లి ఆచూకి తెలుసుకొని తల్లి దుర్గ వద్దకు చిన్నారి భాగ్యను చేర్చాడు. చిన్నారిని తల్లి వద్దకు చేర్చడంతో తల్లి దుర్గ పోలీసులకు కృతజ్ఞతలు తెలుపింది. చిన్నారిని తల్లి చెంతకు చేర్చిన శ్యాంరావును ఉన్నతాధికారులతో పాటు స్థానికులు అభినందనలు తెలిపారు.