SOT : 12 క్వింటాళ్ల రేషన్ బియ్యం పట్టివేత...

దిశ, ఘట్కేసర్ : ఘట్కేసర్ పోలీస్ స్టేషన్ పరిధిలోని బాలాజీ నగర్ లో ఓ రేషన్ షాప్ నుండి అక్రమంగా తరలిస్తున్న 12 క్వింటాళ్ల రేషన్ బియ్యాన్ని మంగళవారం ఎస్ఓటీ పోలీసులు దాడి చేసి పట్టుకున్నారు. బియ్యం తరలిస్తున్న వాహనాన్ని స్వాధీనం చేసుకొని అన్నూభాయ్, రాజేందర్ అనే ఇద్దరు వ్యక్తులను అదుపులోకి తీసుకుని ఘట్కేసర్ పోలీస్ స్టేషన్ కి తరలించారు. ఈ మేరకు కేసు నమోదు చేసుకుని దర్యాప్తు చేస్తున్నట్లు ఘట్కేసర్ పోలీసులు తెలిపారు. వినియోగదారులకు ఇవ్వాల్సిన బియ్యం ఇవ్వకుండా.. వినియోగదారులకు డబ్బులు చెల్లించి బియ్యాన్ని ఒక దగ్గర డంప్ చేసి అక్రమంగా తరలిస్తున్నట్లు సమాచారం.