డి.పోచంపల్లి బొడ్రాయి పండుగలో పాల్గొన్న రేవంత్ రెడ్డి

దిశ, దుండిగల్: కుత్బుల్లాపూర్ నియోజకవర్గం దుండిగల్ మున్సిపాలిటీలోని డి.పోచంపల్లి గ్రామంలో ఆదివారం నిర్వహించిన బొడ్రాయి పండుగలో TPCC అధ్యక్షుడు రేవంత్ రెడ్డి పాల్గొన్నారు. ఈ సందర్భంగా ఆయన మాట్లాడుతూ.. బొడ్రాయి ప్రతిష్టాపన గ్రామ ప్రజల సంరక్షణకు దోహదపడుతుందని అన్నారు. బొడ్రాయి పండుగలో పాల్గొనడం ఆనందంగా ఉందన్నారు. ఈ కార్యక్రమంలో మేడ్చల్ మల్కాజిగిరి జిల్లా అధ్యక్షుడు నందికంటి శ్రీధర్, టీపీసీసీ ప్రతినిధి, కుత్బుల్లాపూర్ నియోజకవర్గ కాంగ్రెస్ నాయకుడు నర్సారెడ్డి భూపతిరెడ్డి, మాజీ ఎంపీపీ కె.హన్మంత్ రెడ్డి, మండల కాంగ్రెస్ పార్టీ అధ్యక్షుడు బొంగునూరి శ్రీనివాస్ రెడ్డి గ్రామస్థులు అధిక సంఖ్యలో పాల్గొన్నారు.