చెరువు ఎఫ్​టీఎల్, బఫర్​ జోన్​​లో నిర్మాణాలపై సీరియస్​

దిశ, కూకట్​పల్లి : మండల పరిధి అల్లాపూర్​ డివిజన్​లోని సున్నం చెరువు ఎఫ్​టీఎల్​, బఫర్​ జోన్​ పరిధిలో నిర్మించిన అక్రమ నిర్మాణాలకు మండల రెవెన్యు అధికారులు బుధవారం నోటీసులు అందజేశారు. ఇండ్లకు నోటీసులు అతికించారు. తెలంగాణ హైకోర్టు ఆదేశాల ప్రకారం చెరువు ఎఫ్​టీఎల్​, బఫర్​ జోన్​లో కబ్జా చేసి నిర్మాణాలు చేపట్టిన వారికి నోటీసులు అందజేస్తున్నట్టు తహసీల్దార్​ స్వామి, ఇరిగేషన్​ ఏఈ లక్ష్మీనారాయణ తెలిపారు. ఇదిలా ఉండగా సున్నం చెరువు ఆక్రమణలకు నోటీసులు అందించేందుకు వెళ్లిన రెవెన్యు సిబ్బందితో కబ్జా చేసి నిర్మాణాలు చేపట్టిన వారు వాగ్వివాదానికి దిగడం, గొడవ వాతావరణం తలెత్తడంతో సిబ్బంది వెనుదిరిగినట్టు సమాచారం.