ప్రగతి పథంలో పల్లెలు : ఎమ్మెల్యే

దిశ,పటాన్ చెరు : సీఎం కేసీఆర్ నాయకత్వంలో ప్రతి పల్లె ప్రగతి పథంలో పయనిస్తుందని పటాన్ చెరు శాసనసభ్యులు గూడెం మహిపాల్ రెడ్డి అన్నారు. పటాన్ చెరు మండలం ముత్తంగి,ఇస్నాపూర్, ఐనోలు గ్రామంలో చేపట్టిన వివిధ అభివృద్ధి పనులకు శంకుస్థాపన ప్రారంభోత్సవాల కార్యక్రమంలో ఎమ్మెల్యే జీఎంఆర్ ముఖ్యఅతిథిగా పాల్గొన్నారు. ఈ సందర్భంగా ఏర్పాటు చేసిన సమావేశంలో ఆయన మాట్లాడుతూ.. ప్రతి గ్రామంలో ప్రజల అవసరాలకు ఆకాంక్షలకు అనుగుణంగా అభివృద్ధి చేస్తున్న ముఖ్యమంత్రి కేసీఆర్ ను మూడోసారి ఆశీర్వదించి మరింత అభివృద్ధికి బాటలు వేయాలని పిలుపునిచ్చారు.

సర్వాయి పాపన్న విగ్రహానికి భూమి పూజ..

పటాన్ చెరు పట్టణంలోని సాకి చెరువు కట్ట పైన పటాన్ చెరు గౌడ సంఘం ఆధ్వర్యంలో ఏర్పాటు చేసిన సర్దార్ సర్వాయి పాపన్న గౌడ్ విగ్రహ భూమి పూజ కార్యక్రమంలో ఎమ్మెల్యే మహిపాల్ రెడ్డి పాల్గొన్నారు. తన సొంత నిధులతో సర్దార్ సర్వాయి పాపన్న గౌడ్ కాంస్య విగ్రహాన్ని ఏర్పాటు చేస్తున్నట్లు తెలిపారు. ఈ కార్యక్రమంలో పటాన్ చెరు కార్పొరేటర్ మెట్టు కుమార్ యాదవ్, వ్యవసాయ మార్కెట్ కమిటీ చైర్మన్ విజయ్ కుమార్, ఎంపీపీ సుష్మా శ్రీ వేణుగోపాల్ రెడ్డి, జడ్పిటిసి సుప్రజా వెంకట్ రెడ్డి, ఆయా గ్రామాల సర్పంచులు, అధికారులు తదితరులు పాల్గొన్నారు.