జాతీయ రహదారి పై ఘోర రోడ్డు ప్రమాదం.. ఇద్దరు మృతి..

దిశ, జహీరాబాద్ : జహీరాబాద్ పట్టణం ఆదర్శనగర్ సమీపంలోని బైపాస్ రోడ్డు పై డివైడర్ను కారు ఢీకొని ఇద్దరు దుర్మరణం పాలయ్యారు. మృతి చెందిన వారిలో హైదరాబాద్ నగరం సురారంలోని శివాలయం కాలనికి చెందిన నర్సింహరావు, సురేష్ లు ఉన్నారు. ఈ సంఘటనలో శివకుమార్, మనోజ్ కుమార్ లకు తీవ్ర గాయాలయ్యాయి. క్షతగాత్రుల్లో ఒకరి పరిస్థితి విషమంగా ఉంది. ప్రథమ చికిత్స అనంతరం వీరిని హైదరాబాద్ తరలించారు. మహారాష్ట్రలోని గాణ్గాగాపూర్ వెళ్లి వస్తున్న క్రమంలో ఈ ఘోరం సంభవించింది. జహీరాబాద్ పోలీసులు కేసు దర్యాప్తు చేపట్టారు.