రెండు బైకులు ఢీ.. ఒకరు మృతి..

దిశ, చిన్నశంకరంపేట : రెండు బైకులు ఢీ కొనగా ఒకరు మృతి చెందగా మరో వ్యక్తికి తీవ్ర గాయాలయ్యాయి. ఈ సంఘటన సూరారం రోడ్డు పై చోటుచేసుకుంది. గ్రామస్తుల కథనం ప్రకారం వివరాలు ఇలా ఉన్నాయి. చిన్నశంకరంపేట మండలం సూరారంకి చెందిన గజం కిషన్, చేగుంట మండలం పోలంపల్లి గ్రామానికి చెందిన రమేష్ ల ద్విచక్రవాహనాలు సూరారం శివారులో నూతనంగా నిర్మిస్తున్న ఓ కంపెనీ మూల వద్ద ఢీ కొన్నాయి. ఈ ప్రమాదంలో ఇరువురికి తీవ్ర గాయాలు కాగా 108 అంబులెన్స్ ద్వారా వారిని చికిత్స నిమిత్తం ఆసుపత్రికి తరలించారు. అక్కడ పరీక్షలు చేయగా, కిషన్ పరిస్థితి విషమంగా ఉండడంతో మెరుగైన వైద్యం కోసం హైదరాబాదులోని గాంధీ ఆస్పత్రికి తరలించినట్టు కుటుంబ సభ్యులు తెలిపారు. గాంధీ హాస్పిటల్ లో చికిత్స పొందుతూ కిషన్ (60) మృతి చెందాడు. రమేష్ , రష్ మెదక్ హాస్పిటల్ లో చికిత్స పొందుతున్నారు.