Medchal: ప్రైవేటు బస్సులో చెలరేగిన మంటలు.. ప్రయాణికులకు తప్పిన పెను ప్రమాదం

దిశ, వెబ్‌డెస్క్: ప్రైవేటు బస్సులో ఉన్నట్టుండి ఒక్కసారిగా మంటలు చెలరేగిన ఘటన మేడ్చల్ జిల్లా (Medchal District)లో శనివారం ఉదయం చోటుచేసుకుంది. వివరాల్లోకి వెళితే.. కేఎల్ఆర్ వెంచర్ (KLR Venture) పరిధిలోని శివాలయం వద్ద మెడిసిటీకి చెందిన ప్రైవేటు బస్సులో అకస్మాత్తుగా మంటలు చెలరేగాయి. దీంతో అప్రమత్తమైన డ్రైవర్ ఇంజన్‌ను ఆపి బస్సును పక్కకు నిలిపాడు. గమనించిన స్థానికులు బస్సు వద్దకు చేరకుని బకెట్లతో నీళ్లును పోసి మంటలను ఆర్పేశారు. అయితే, ప్రమాదం జరిగిన సమయంలో బస్సులో ఎవరూ లేకపోవడంతో ప్రయాణికులకు పెను ప్రమాదం తప్పింది. ఈ మేరకు ఘటనా స్థలానికి చేరుకున్న పోలీసులు కేసు నమోదు చేసుకుని దర్యాప్తు చేస్తున్నారు.